Background

Hava Mlinaku Nr.66

Kandidate për Parlamentin e Kosovës nga radhët e PDK-së #mamirë

Përshëndetje, unë jam Hava Mlinaku dhe jam krenare që jam kandidate për deputete nga radhët e Partisë Demokratike të Kosovës në zgjedhjet e 9 shkurtit 2025 . Kam dedikuar jetën time për t’i shërbyer komunitetit tonë përmes përvojës sime të punës në institucion mikrofinanciar, si Drejtoreshë e Drejtorisë për Administratë dhe tani si Nënkryetare e Komunës. Duke u rritur në Vushtrri, mësova rëndësinë e punës së palodhur, qëndrueshmërisë dhe mbështetjes së vazhdueshme të komunitetit. Këto vlera kanë formësuar rrugëtimin tim dhe më kanë frymëzuar të marr këtë hap për t’ju përfaqësuar denjësisht dhe të jem zëri juaj në kuvend.

Galeria

Gjatë këti rrugëtimi, kam pasur nderin të takoj qytetarë të mrekullueshëm, të dëgjoj zërin e tyre dhe të vizitoj çdo cep të komunitetit tonë. Nga takimet e ngrohta deri te inaugurimet e projekteve të rëndësishme, këto momente pasqyrojnë përkushtimin tim për një të ardhme më të mirë për të gjithë.

Vizioni Im:

1. Zhvillim Ekonomik: Fuqizimi i bizneseve lokale dhe krijimi i mundësive të reja për punësim përmes politikave inovative dhe investimeve strategjike.
2. Arsim për të Gjithë: Sigurimi i një arsimi cilësor duke përmirësuar burimet për nxënësit dhe mbështetur mësimdhënësit që të arrijnë potencialin e tyre të plotë.
3. Nisma Komunitare: Fuqizimi i lagjeve tona përmes investimeve në infrastrukturë, promovimit të sigurisë publike dhe përmirësimit të qasjes në shërbime shëndetësore.
4. Fuqizimi i Rinisë: Krijimi i më shumë programeve për angazhimin e të rinjve, zhvillimin e aftësive dhe mundësive për të kontribuar në shoqërinë tonë.

Së bashku mund të ndërtojmë një të ardhme më të mirë për komunitetin tonë. Besoni në ndryshim, votoni për #66. #Mamirë